BO NADAL!!

 

CONCERTO DE SANTA ICÍA 2023

Onte celebramos o concerto de Santa Icía deste ano. Foi na igrexa parroquial ás 17:00 h e actuaron o Grupo de Iniciación e a Banda de Música daAgrupación Musical de A Guarda. Durante o concerto recibimos ás novas compoñentes da nosa agrupación. Ao remate do concerto, representantes do Concello fixeron entrega duns ramos de flores aos directores e ao párroco D. Juan, a quen damos as grazas pola súa inestimable colaboración. Grazas a todos e todas os que vos achegasteis para escoitarnos e por suposto, ao concello da Guarda.

Esperamos que vos gustara a actuación. Ata a próxima!

Estas son as novas compoñentes da banda:

Alexia Vázquez. Entrégalle a insignia Adri Vicente.

 

 

Alexia Gonçalves. Entregoulle a insignia Mario.

                                                          

Sara Fajar. Entrega a insignia Samuel.

Iria Díaz. Entregoulle a insignia Natalia.

Podedes ver máis fotografías en Pozas Lalo Fotografías

colabora:

CONCERTO SANTA CECILIA 2023

 

FESTAS DA VIRXE DA GUÍA

Hoxe percorremos as rúas de Ribadavila e acompañamos á procesión. Un pracer animar ás festas da Virxe da Guía un ano máis. Moitas grazas á comisión de festas por cotar con nós.

                                                      Colabora:  

XIV FESTIVAL DE BANDAS

Onte celebramos a XIV edición do Festival de Bandas no que estivemos acompañados pola Banda de Música Cultural de Barbadás. Queremos felicitalos pola súa gran actuación e agradecerlles que aceptaran a nosa invitación. Dentro de dúas semanas devolverémoslles a visita.

Como é habitual, antes do concerto as dúas bandas fixeron a súa entrada na praza despois dun pequeno pasacalle polas rúas da vila. Deseguido os compañeiros da Banda de Música Cultural de Barbadás abriron o concerto dirixidos por Celso Nieto Rodríguez, rematando coa actuación da Agrupación Musical de A Guarda con Víctor Alonso Treinta na dirección.

Como peche do festival as dúas bandas interpretaron unha peza conxuntamente dirixidos por Víctor.

O noso agradecemento aos establecementos comerciáis que nos prestaron a súa colaboración e a Almudena pola súa axuda. Moitas grazas tamén  ao Concello da Guarda e, por suposto, a todos e todas por compartir con nós esta edición do Festival de Bandas, por animarnos cos vosos aplausos e polo apoio recibido. Esperamos que vos gustase e pasárades unha boa tarde, vémonos na próxima!

Arriba unhas imaxes da Banda de Música Cultural de Barbadás facendo a súa presentación no Auditorio e San Benito. Abaixo, a Agrupación Musical de A Guarda durante á súa actuación.

  Colabora: Concello de A Guarda