sábado, 23 de diciembre de 2017
lunes, 27 de noviembre de 2017
CONCERTO SANTA ICÍA 2017
Como todos os anos ao chegar estas datas a nosa asociación organiza o Concerto de Santa Icía na igrexa parroquial de Santa María. Nesta ocasión o acto tivo lugar o sábado 25 ás 20:30 h e contamos coa compañía do Grupo de Acordeóns Mascarenhas, que foron os primeiros en actuar dirixidos por D. José Luis Lorenzo Rodríguez. Interpretaron un variado repertorio de coñecidos temas moi aplaudidos polo público, que ateigaba a igrexa. Ao remate da actuación o presidente da Agrupación Musical de A Guarda David Álvarez, fixo entrega dun agasallo ao director de Mascarenhas como agradecemento pola súa colaboración. As nosas felicitacións a esta estupenda formación musical pola súa gran actuación.
O grupo Mascarenhas durante a súa actuación |
David Álvarez fai entrega dun agasallo a D. José Luis Lorenzo |
De seguido, e despois de preparar o escenario para a actuación da banda, procedemos a facer entrega da insignia da Agrupación Musical aos músicos que comezaron na banda durante este ano. Como xa sabedes, este acto simboliza a entrada oficial dos novos compoñentes na nosa Agrupación. O presentador do concerto, D. Jesús García Villadóniga, foi chamando a estes rapaces e rapazas para que recibiran de mans dos seus compañeiros máis veteranos a insignia. A continuación deixámosvos unhas imaxes deste momento tan especial:
Mario Vicente Baz (percusión)
Julián Lomba ponlle a insignia ao seu novo compañeiro Mario Vicente
Mauro Gómez Baldonedo (trompa)
Mauro, o novo trompa da banda recibe a insignia de mans de Pablo Pou.
A imaxe da esquerda é de Lalo Rodríguez.
Carla Portela Pérez (saxo alto)
Dúas fotografías de Lalo Rodríguez que recollen o momento en que Elena Álvarez entrega a insignia a Carla.
Gabriela Pereira Martínez (clarinete)
Mimí Verde González (clarinete)
Nerea Portela posa coa súa nova compañeira Mimí
Sara Flores Martín (clarinete)
Nestas imaxes Sara Flores con David Rodríguez
Vania Fernández González (clarinete)
Melissa David ponlle a insignia a Vania
Marcos González Rodríguez (trombón)
Marcos González, o novo trombonista con Pierre Meléndez
Unha vez acomodados nas súas cadeiras, deu comezo a actuación da Agrupación Musical de A Guarda, dirixidos como sempre por Víctor Alonso Treinta. Fixeron unha magnífica actuación na que estrearon catro temas. Á petición do público remataron cunha peza máis recibindo unha gran ovación. Magnífico traballo Víctor, e as nosas felicitacións aos nosos músicos.
A banda saludando ao público nunha imaxe de lalo Rodríguez |
O noso agradecemento a todos os compoñentes da Agrupación Musical de A Guarda polo esforzo que tiveron que facer para poder asistir aos ensaios e por seguir dedicando o seu tempo libre a esta fermosa afección que é a música. Moitas grazas rapaces.
Queremos agradecer a colaboración de D. Jesús, que como sempre estivo disposto a botarnos unha man, ao Grupo Mascarenhas por acompañarnos, a Lalo Rodríguez que sempre está atento coa súa cámara, e por suposto ao numeroso público asistente polos seus aplausos e o cariño con que sempre nos reciben. Ata a próxima.
Etiquetas:
Actuacións,
Concertos
sábado, 11 de noviembre de 2017
martes, 29 de agosto de 2017
FESTIVAIS
Fin de semana moi activo coa participación da nosa banda no Festival de Músicos Xoves do Rosal o sábado pola tarde e no Festival de Bandas de Chantada o domingo. Grazas aos nosos anfitrións por invitarnos e recibirnos tan ben. Saúdos.
No Rosal:
No Auditorio de Chantada:
Podedes ver máis fotos neste enlace: Agrupación musical de A Guarda en Chantada
Grazas Lalo polas túas estupendas fotografías.
Etiquetas:
Actuacións,
Festivais
martes, 22 de agosto de 2017
XI FESTIVAL DE BANDAS
O sábado 19 de agosto celebramos a XI edición do noso festival de bandas na
Praza de San Bieito. Ás 20:00 h fixo entrada na praza a Banda de Música de
Chantada que fixo un pasacalle polo paseo do Porto; seguidamente entrou A Lira
de Ribadavia tralo seu desfile pola rúa Concepción Arenal. Uns minutos más
tarde chegaría ao auditorio a Agrupación Musical de A Guarda que percorreu
varias rúas polo centro da vila.
A Banda de Chantada durante a súa actuación |
Moito público e moi entregado, desfrutando da boa música que nos ofreceron
as tres formacións musicais. O noso presidente David Álvarez fíxose cargo da
presentación do festival, que comezou coa actuación da formación de Chantada
dirixida por José Manuel Mosquera González. A banda A Lira de Ribadavia sería a
seguinte baixo a dirección de Xavier
Oliveira. Felicitamos ás dúas bandas pola súa gran actuación. A Agrupación
Musical de A Guarda pechou o concerto
con Víctor Alonso Treinta a cargo da dirección. Parabéns a todos!.
Banda de Música A Lira de Rivadavia |
Agrupación Musical de A Guarda |
Ao remate da actuación, membros da directiva a Agrupación fixeron entrega
duns agasallos ás bandas convidadas como recordo do seu paso por este festival,
e a continuación o Alcalde de A Guarda D. Antonio Lomba Baz entregou tamén uns
detalles do Concello aos directores das tres bandas participantes. Seguidamente
procedeuse ao sorteo dunha cesta de produtos entre o público asistente. Como
broche final, as tres bandas interpretaron conxuntamente una coñecida e animada
peza.
Moitas grazas a todos e todas por asistir e animarnos cos vosos aplausos.
Sodes o mellor do Festival!
Agradecemos a colaboración dos establecementos
comerciais e empresas que nos axudaron e moi especialmente a aqueles
particulares que nos botaron unha man, sen eles non sería posible levar adiante
este festival. Grazas tamén ao Concello de A Guarda e a Concellería de Cultura.
Ata o ano que ven.
Podes ver as imaxes de Lalo Rodríguez no seguinte enlace: https: Festival de Bandas Vila de A Guarda
Etiquetas:
Actuacións,
Concertos,
Festivais
viernes, 11 de agosto de 2017
sábado, 29 de julio de 2017
CONCERTO POP-ROCK
Esperamos que vos gustase o concerto celebrado onte no porto. Comezou pouco despois das 23.00 h, e aínda que a neboa mollaba un pouco, o numeroso público que se achegou mantívose ata o final seguindo a actuación da nosa banda. Nos sentímonos moi contentos de contar coa vosa presenza e os vosos aplausos. Durante esta actuación especial, estivemos acompañados por un grupo de rapazas e rapaces compoñentes
do grupo Xamaraina que bailaron ao son dalgunhas das pezas
interpretadas. O noso agradecemento a todos pola súa participación.
Agradecemos tamén a participación de Ubaldo (guitarra), Jorge
(teclados), Chus (saxo) e Jose Antonio (clarinete).
Queremos
dar as grazas tamén a OR.PA.GU. por toda a axuda prestada para facer
posible este evento, a Manuel e a Nardi e por suposto, ao Concello de A
Guarda.
Moitas grazas a todos vós por asitir e ata a próxima.
Quédanos
lembrarvos que o vindeiro día 19 de agosto estaremos na Praza de San
Bieito coa celebración da XI edición do Festival de Bandas "Vila de A
Guarda". Estades todos convidados!
Podedes ver as fotografías de Lalo Rodríguez no seguinte enlace: Pozaslalo fotografías
Etiquetas:
actividades,
Actuacións,
Concertos
miércoles, 19 de julio de 2017
viernes, 16 de junio de 2017
II AULA DE VERÁN
Apúntate a esta actividade de verán na que poderás iniciarte na música e
na práctica dun instrumento de vento ou percusión. Se non tes
instrumento, prestámosche un. Só tes que chamar o teléfono indicado ou
enviarnos un e-mail ao enderezo que aparece no cartel. Anímate.
Totalmente gratuita!!
Etiquetas:
actividades,
Noticias e avisos
lunes, 8 de mayo de 2017
CONCERTO NO RECREO ARTÍSTICO GUARDÉS
Con motivo da celebración do Día da Nai, participamos nos actos que o Recreo Artístico Guardés tiña preparados para esta data ofrecendo un concerto no salón principal desa asociación. Deixámosvos unhas fotos da nosa actuación e esperamos que o pasásedes ben. En breve volveremos con novas actuacións.
Etiquetas:
Actuacións,
Concertos
lunes, 1 de mayo de 2017
CONCERTO DE PRIMAVERA
Como estaba previsto celebramos o concerto de primavera o pasado sábado día 29, aínda que como o tempo non axudou tivo lugar dentro da Casa dos Alonso que quedou pequena para o numeroso público asistente. Fermoso concerto o que ofreceron os nosos músicos, aos que queremos agradecer o gran esforzo que tiveron que facer para poder asistir aos ensaios, xa que moitos encóntranse estudando ou traballando fóra da nosa vila. Esperamos que vos gustase tanto como a nós, só lembrarvos que o vindeiro domingo día 7 estaremos no Recreo Artístico Guardés cunha nova actuación. Grazas a todos polo voso apoio e polos vosos aplausos.
Etiquetas:
actividades,
Concertos
martes, 18 de abril de 2017
CONCERTO DE PRIMAVERA
Iniciamos a temporada con novas actividades. Estaremos con vós o vindeiro día 29 na Praza do Reló, ou na Casa dos Alonsos en caso de choiva. Non faltedes. E se non podedes asistir, o día 7 de maio actuaremos no salón do Recreo Artístico Guardés para celebrar o Día da Nai.
Etiquetas:
actividades,
Actuacións,
Concertos
Suscribirse a:
Entradas (Atom)