CONCERTO DE SANTA CECILIA 2012

Excelente actuación a que ofreceron as dúas bandas da Agrupación Musical de A Guarda no concerto do pasado sábado día 1 para celebrar a festividade de Santa Cecilia, padroa dos músicos, como tódolos anos na igrexa Parroquial de Santa María de A Guarda. O público achegouse ata o templo que estaba practicamente cheo para escoitar en primeiro lugar á Banda Infantil. Con moita ilusión os pequenos abriron o seu programa cun pasodobre e, arroupados polos fortes aplausos dos presentes continuaron con catro pezas de diferentes estilos, amosando os grandes progresos que están a realizar grazas o gran traballo do seu director José Antonio Soutelo, e por suposto ó esforzo destes cativos que ensaian semana tras semana para facer soar os seus instrumentos o mellor posible, esforzo que se viu recompensando cando o público pediulles “outra”, petición que foi concedida polos músicos cunha nova peza fóra de programa.
          

Ó remate da actuación, D. Jesús que como é habitual presentou o acto, comezou a chamar ós músicos que dende agora pasan a integrarse na banda dos maiores para impoñerlles o “pin” da Agrupación, acto simbólico co que se fai oficial  o seu ingreso nesta formación musical. Nesta ocasión foron seis os rapaces e rapazas que “pasaron”:

               -NATALIA FERNÁNDEZ LOMBA…………….…......…..…...FRAUTA.
               -DAFNE PIÑEIRO GONZÁLEZ………………….……..…TROMPETA.
               -BRAIS VERDE VERDE………………… ……………….PERCUSIÓN.
              -SAMUEL  LOUREIRO LOMBA……………. .……..…….CLARINETE.
              -DANIEL PORTELA PÉREZ………………….….…………TROMPETA.
              -THOMAS RODRÍGUEZ RODRÍGUEZ………..……………SAXOFÓN.
     

Seguidamente  os novos músicos acomodáronse nas súas cadeiras cos seus compañeiros da banda “grande” para tocar por primeira vez con eles de maneira oficial.

A Agrupación Musical de A Guarda comezou a súa actuación estupendamente dirixidos por Víctor Alonso Treinta,  coa obra “Alborada Galega”  con Sara Márquez como gaiteira solista. A continuación interpretaron catro pezas logrando gañarse ó público que os premiou cunha gran ovación e voces de “outra”, a banda correspondeu  cun outra obra galega. Pero antes de rematar, o director Víctor  fixo un inciso para que en nome da Xunta Directiva, un compoñente da banda fixera entrega do “pin” a D. Jesús en agradecemento pola súa desinteresada e continuada colaboración dese os inicios desta Agrupación. Grazas D. Jesús por permitirnos a celebración deste evento a pesar de ter que “desmontar “ media igrexa  para poder acomodar á banda. Sen a súa colaboración  a celebración deste concerto non sería posible.

Galería de imaxes - Autor Lalo Rodríguez.

CONCERTO DE SANTA CECILIA

CONCERTO DE FIN DE VERÁN

Gran actuación a da Banda Infantil onte pola tarde no colexio dos PP Somascos. Os rapaces e rapazas desta sección da Agrupación Musical de A Guarda demostraron ante o público congregado para a ocasión que aproveitaron o tempo durante o verán nos ensaios aos que asistiron regularmente co seu director J. Antonio Soutelo e todos os presentes puidemos comprobar os progresos desta nova e xovencísima formación musical na que os seus compoñentes non pasan dos 14 anos. Ofreceron un amplo repertorio no que incluíron incluso un pasodobre, conseguindo unha gran ovación  e a petición doutra peza ó remate do concerto.

 A banda formada por 25 nenos e nenas, comezará deseguido a prepararse para o tradicional Concerto de Santa Cecilia no que volverán a actuar xunto cos seus compañeiros da Agrupación Musical de A Guarda. Felicidades e ánimo, seguide así.

  

 

Aproveitamos para lembrarlles que esta agrupación está aberta a todos aqueles rapaces  e rapazas ós que lles guste a música e estean aprendendo a tocar un instrumento de vento-madeira, vento-metal ou percusión. Ademais de facer novos amigos aprenderán a tocar en conxunto e poderán practicar o aprendido no Conservatorio. Durante o inverno os ensaios serán os sábados pola mañá no local da banda. Os interesados poden poñerse en contacto coa directiva ou co director (os números e enderezo de contacto están nesta mesma páxina). Ah! e teñen dous meses para probar, de balde e sen compromiso.

ACTUACIÓN DA BANDA INFANTIL

VI FESTIVAL DE BANDAS VILA DA GUARDA

 Un ano máis celebramos o Festival de Bandas Vila da Guarda xa na súa VI edición, nunha tarde soleada que animou ao público a achegarse ata a Praza de San Bento. Cun pouco de retraso deu comezo o evento presentado unha vez máis por Elena Baz, coa entrada da Banda de Música da Vertula de Meis que a ritmo de pasarrúas presentouse ante o público recibindo unha forte ovación. Pouco despois chegaba á praza a Banda de Música de Lanhelas e de seguido a Agrupación Musical de A Guarda que cerrou este pasarrúas para dar paso á actuación da primeira banda.

Banda de Música da Vertula de Meis

Trala magnífica interpretación dos de Meis, dirixidos por Casiano Mouriño, chegou a quenda da banda lanhelense co mestre Estéfanio Cunha ao fronte da formación. Foron  acompañados  coas palmas polos presentes que dende un primeiro momento animaron ás agrupacións cos seus aplausos. Finalizou a rolda de actuacións a nosa banda con Víctor Alonso Treinta como director. Os temas interpretados foron moi ben acollidos polo público que pediu outra peza ó final do concerto.

Banda de Música de Lanhelas

De seguido membros da directiva da Agrupación Musical de A Guarda fixeron entrega duns agasallos ás bandas participantes o igual que o Concelleiro de Cultura Antonio Lomba, quen entregou uns detalles do Concello ós tres directores.

Antes de pechar este Festival procedeuse ó sorteo dun lote de produtos e á entrega dun ramo á presentadora a quen agradecemos a súa desinteresada                     colaboración.          

Elena Baz e Rosina

Entrega do lote sorteado

O noso agradecemento tamén ó público asistente que se mantivo na praza ata o final do evento, apoiando en todo momento a esta asociación e animando ós músicos participantes. Esperamos vernos de novo o vindeiro ano nunha nova edición.

Agrupación Musical de A guarda

 

VI FESTIVAL DE BANDAS DE MÚSICA VILA DA GUARDA

Festival de bandas de Coruxo

O pasado día 27 de maio a nosa banda participou no IV Festival de Bandas de Coruxo que tivo lugar no Torreiro de San Sebastián (Fragoselo) comezando ás 18:00 h., xunto coas bandas Unión Musical de Cabral, dirixida por D. Eduardo González López e a banda anfritiona Unión Musical de Coruxo dirixida por D. Francisco Abal Rosales. A Agrupación Musical de A Guarda actuou en 2º lugar baixo a batuta de D. Víctor L. Alonso Treinta.

Recollemos algúns momentos de distracción dos nosos músicos minutos antes da súa actuación

CONCERTO DE PRIMAVERA 2012

Unha boa cantidade de público congregouse o pasado sábado día 19 nas instalacións do Colexio dos PP Somascos para presenciar a actuación da nova Banda Infantil da Agrupación Musical de A Guarda. Os rapaces e rapazas que forman este grupo, un pouco nerviosos por ser aínda a súa segunda aparición en público, ofreceron ós presentes un variado repertorio para deleite dos alí reunidos. Esta banda formada o pasado verán e dirixida polo profesor J. Antonio Soutelo Muñoz demostrou os seus progresos, acadados en tan pouco tempo grazas ó esforzo e dedicación tanto dos  seus compoñentes como do bo facer do seu Director.

Felicitacións dos vosos compañeiros da Agrupación Musical de A Guarda e da Xunta Directiva. Ánimo e seguide así.

Banda Infaltil da Agrupación Musical de A Guarda

 

                Ó remate desta actuación tomou o relevo a Agrupación Musical da Guarda que baixo a batuta de Víctor Luís Alonso Treinta interpretaron varios temas do seu novo repertorio. Esta banda actuará o vindeiro domingo día 27 de maio no IV Festival de bandas de Coruxo en Vigo, devolvendo a visita que a Unión Musical de Coruxo nos fixo o pasado ano no “V Festival de Bandas Vila da Guarda”.

Agrupación Musical de A Guarda

                O noso agradecemento ós PP Somascos por prestarnos as súas instalacións e por estar sempre dispostos a colaborar coa banda. Moitas grazas.

CONCERTO

VENTA DE CDs

Á venda no local de ensaios da banda e nos seguintes establecementos colaboradores:

Copy Quisqueya

Xoiería Alonso

Foto Gándara

Xogetería Don Dino

Caadena Master F. Vicente

Xanelux

Expendeduría Roxo

Maderas Lomba

Librería Ler

CONTACTO

Telf. : 610 707 514
e- mail:  agrupacionmusicaldaguarda@hotmail.com
local de ensaios:  2º Trav. Os Bechos, s/n - 36780  A Guarda

ACTUACIÓNS 2012

ACTUACIÓNS 2012
06/04/2012	Procesión Venres Santo	A Guarda	tarde
06/05/2012	Pasarrúas e procesión	Santa Comba	mañá
19/05/2012	Concerto primavera	A Guarda	tarde
27/05/2012	Pasarrúas e procesión	Oia	mañá
27/05/2012	Festival bandas	Coruxo	tarde
10/06/2012	Procesión	A Guarda	mañá
17/06/2012	Pasarrúas e procesión	A Guarda	Todo o día
30/06/2012	Pasarrúas e procesión	Goián	mañá
16/07/2012	Pasarrúas e procesión	A Guarda	mañá
25/07/2012	Pasarrúas e procesión	Tui	mañá
27/07/2012	Concerto	Tui	noite
06/08/2012*	Concerto	A Guarda	tarde
15/08/2012	Concerto	A Ramallosa	mediodía
25/08/2012	Festival de bandas	A Guarda	tarde
26/08/2012	Pasarrúas, procesión e concerto	Tomiño	todo o día
22/09/2012	Concerto	marín	tarde

 NOTA: Durante o verán  terán lugar varias actuacións da Banda Infantil. As datas destes concertos anunciaranse oportunamente.

*Data aínda sen confirmar

CONTRATACIÓNS

Para contratar a nosa banda poden poñerse en contacto con nós no teléfono:  625 387 959
ou enviando un correo electrónico ó seguinte enderezo:

agrupacionmusicaldaguarda@hotmail.com

indícando data e lugar da actuación, o nome do representante e un teléfono de contacto para poder contestarlles á maior brevidade.