CONCERTO DE SANTA ICÍA 2019

Ola a todos e todas. Que vos pareceu o concerto de Santa Icía deste ano? Nos estamos moi satisfeitos co resultado e sobre todo, por contar unha vez máis co voso apoio e os vosos aplausos. A continuación deixámosvos un pequeno resumo do concerto e como non, unhas imaxes.

Este ano decidimos cambiar de horario e o concerto tivo lugar ás 17:00 h, actuando como presentador D. Jesús García Villadóniga, a quen agradecemos a súa inestimable colaboración. Abriu o concerto o grupo invitado que nesta ocasión foi a Coral do Clube Terceira Idade de A Guarda que baixo a dirección de David González Sobrino, fixeron unha gran actuación. Desde aquí queremos felicitalos e animalos a que sigan cantando así de ben e desfrutando da música. Foi para nós un pracer contar coa súa compañía e agradecémoslles que aceptaran a nosa invitación.

 

A Coral dao Clubbe da Terceira Idade durante a súa actuación

 

Unha vez terminada, o noso presidente David Álvarez entregou un detalle ao director da coral como recordo desta actuación. Seguidamente os compoñentes da banda acomodáronse nas súas cadeiras para afinar e comezar o seu concerto, pero antes como é habitual, fixemos entrega da insignia da Agrupación aos compoñentes que entraron na banda este ano formalizando así a súa pertenza á Agrupación Musical de A Guarda. Foron os seguintes:  

Diego, Saxo tenor:

  Thomas poñendo a insignia ao seu novo compañeiro Diego 

Gabriel, percusión:

David co novo percusionista Gabriel 

Sara, saxo alto:

 Sara recibe a súa insignia de mans da veterana Alba

África, saxo alto:

 

 Carla con África, nova saxofonista da banda

Nicolás, tuba:

Óscar, tuba veterano, entrega a insignia a Nicolás

A continuación, Víctor Alonso dirixiu á banda unha vez máis co seu bo facer, ofrecendo un repertorio variado e alegre que foi moi aplaudido polo público. Os nosos parabéns a estes rapaces e rapazas e a seguir así! Esperamos que vos gustara tanto como a nós e contar con vós nunha vindeira edición. Moitas grazas a todos e todas por acompañarnos. Ata a próxima!!

Podedes ver a fotografías de Lalo Rodríguez  premendo aquí: Concerto Santa Icía 2019

A Agrupación Musical de A Guarda durante a súa actuación.

CONCERTO DE SANTA ICÍA 2019

Dentro duns días celebraremos o noso habitual concerto de Santa Icía, que este ano sufrirá un cambio de horario. Será pola tarde, dando comezo ás 17:00 h na igrexa parroquial.
Esperámosvos a todos e todas!!!

XIII FESTIVAL DE BANDAS

Onte celebramos a XIII edición do Festival de Bandas, no que participaron xunto coa nosa banda, a Agrupación Musical do Rosal e a Unión Musical de Allariz. Como é habitual, antes de dar comezo o concerto as tres bandas fixeron a súa entrada na praza despois dun pequeno percorrido polas rúas da vila. Deseguido os compañeiros da Agrupación Musical do Rosal abriron o concerto coa súa actuación dirixidos por Javier Alonso Pérez, continuando coa banda de Allariz baixo a dirección de José Manuel Vega Real. A Agrupación Musical de A Guarda foi a última en actuar, con Víctor Alonso Treinta. Felicitamos ás  tres formacións pola súa gran actuación e agradecemos aos amigos do Rosal e de Allariz que se desprazaran ata a nosa vila para compartir esta tarde con nós. 

Agrupación Musical do Rosal

Unión Musical de Allariz

Agrupación Musical de A Guarda

Para rematar o festival as tres bandas interpretaron unha peza conxuntamente dirixidos por Víctor, pero antes  ás bandas participantes recibiron uns agasallos como recordo do seu paso polo noso festival, que foron entregados polo alcalde D. Antonio Lomba e polo tenente alcalde D. Anxo Baz. 

O noso agradecemento ás empresas e establecementos comerciais que nos prestaron a súa colaboración e a aqueles particulares que nos axudaron na organización deste evento. Moitas grazas á Deputación de Pontevedra, ao Concello da Guarda e a Concellería de Cultura.

E por suposto, moitas grazas a todos e todas por compartir con nós esta edición do Festival de Bandas e por animarnos cos vosos aplausos. Esperamos que fora do voso agrado e que repitades nunha nova edición. Ata próxima!!

Neste enlace podedes ver as fotografías de Lalo Rodríguez:  XIII Festival de Bandas

XIII FESTIVAL DE BANDAS

Xa falta pouco para o festival de bandas deste ano. Vémonos dentro duns días na Praza de San Bieito donde estaremos acompañados polas bandas Agrupación Musical do Rosal e Unión Musical de Allariz, que xunto coa Agrupación Musical de A Guarda, ofreceranvos unha tarde de boa música. Non faltedes!!

CONCERTO NA FESTA DO PEIXE ESPADA

Deixámosvos unhas imaxes do noso concerto de hoxe na Festa do Peixe Espada. Queremos darvos as grazas a todos polos vosos aplausos e a vosa compañía. É un pracer tocar para un público tan agarimoso. Pronto nos veremos de novo na vindeira edición do Festival de Bandas, na Praza de San Bieito.