XIII FESTIVAL DE BANDAS

Onte celebramos a XIII edición do Festival de Bandas, no que participaron xunto coa nosa banda, a Agrupación Musical do Rosal e a Unión Musical de Allariz. Como é habitual, antes de dar comezo o concerto as tres bandas fixeron a súa entrada na praza despois dun pequeno percorrido polas rúas da vila. Deseguido os compañeiros da Agrupación Musical do Rosal abriron o concerto coa súa actuación dirixidos por Javier Alonso Pérez, continuando coa banda de Allariz baixo a dirección de José Manuel Vega Real. A Agrupación Musical de A Guarda foi a última en actuar, con Víctor Alonso Treinta. Felicitamos ás  tres formacións pola súa gran actuación e agradecemos aos amigos do Rosal e de Allariz que se desprazaran ata a nosa vila para compartir esta tarde con nós. 

Agrupación Musical do Rosal

Unión Musical de Allariz

Agrupación Musical de A Guarda

Para rematar o festival as tres bandas interpretaron unha peza conxuntamente dirixidos por Víctor, pero antes  ás bandas participantes recibiron uns agasallos como recordo do seu paso polo noso festival, que foron entregados polo alcalde D. Antonio Lomba e polo tenente alcalde D. Anxo Baz. 

O noso agradecemento ás empresas e establecementos comerciais que nos prestaron a súa colaboración e a aqueles particulares que nos axudaron na organización deste evento. Moitas grazas á Deputación de Pontevedra, ao Concello da Guarda e a Concellería de Cultura.

E por suposto, moitas grazas a todos e todas por compartir con nós esta edición do Festival de Bandas e por animarnos cos vosos aplausos. Esperamos que fora do voso agrado e que repitades nunha nova edición. Ata próxima!!

Neste enlace podedes ver as fotografías de Lalo Rodríguez:  XIII Festival de Bandas

XIII FESTIVAL DE BANDAS

Xa falta pouco para o festival de bandas deste ano. Vémonos dentro duns días na Praza de San Bieito donde estaremos acompañados polas bandas Agrupación Musical do Rosal e Unión Musical de Allariz, que xunto coa Agrupación Musical de A Guarda, ofreceranvos unha tarde de boa música. Non faltedes!!

CONCERTO NA FESTA DO PEIXE ESPADA

Deixámosvos unhas imaxes do noso concerto de hoxe na Festa do Peixe Espada. Queremos darvos as grazas a todos polos vosos aplausos e a vosa compañía. É un pracer tocar para un público tan agarimoso. Pronto nos veremos de novo na vindeira edición do Festival de Bandas, na Praza de San Bieito. 

 

  

CONCERTO CON MARÍA DO CEO

Que vos pareceu o concerto do pasado venres con María do Ceo? Nos estamos moi contentos co resultado, e sobre todo por contar coa compañía desta grandísima artista que nos deleitou a todos coa súa fermosa voz. Queremos agradecerlle que compartira con nós esta noite tan especial e sobre todo, o seu cariño e a súa amabilidade con todos e todas. Un bico moi forte María!

Moitas grazas a todas e todos os que vos achegastes ata o Porto para escoitarnos. Esperamos que desfrutarades do concerto! Ata a próxima!

Aquí podedes escoitar a María do Ceo coa Agrupación Musical de A Guarda

Deixámosvos tamén unhas imaxes e o enlace de  Lalo Rodríguez  para que podades ver máis.

Grazas Lalo polas túas fotos, preciosas como sempre.

ACTUACIÓN NO XIV ENCONTRO DE EMBARCACIÓNS

 

 O vindeiro venres día 12 teremos o pracer de compartir escenario coa fadista María do Ceo, que cantará coa Agrupación Musical de A Guarda. Esta será a nosa próxima actuación, dentro da progrramación do XIV Encontro de Embarcacións Tradicionais de Galicia, que terá lugar do 11 ao 14 de xullo no Porto da Guarda. Non volo perdades!! 

Haberá moitas máis actuacións durante o Encontro, catro días para desfrutar a tope da boa música e de todas as actividades que se levarán a cabo, como talleres e exposicións, ademais de ver e coñecer de primeira man unha morea de embarcacións tradicionais que estarán fondeadas no porto. Un acontecemento irrepetible. 

                                         

IV AULA DE VERÁN

O vindeiro més de xullo comezaremos a nosa Aula de Verán. Xa sabedes que podedes apuntarvos se tedes máis de sete anos, so necesitades ter gañas de pasalo ben aprendendo música. O instrumento prestámoscho nós. Anímate e ven probar as túas habilidades musicais!

III MOSTRA ASOCIATIVA

Onte sábado estivemos na III Mostra Asociativa na Alameda de A Guarda organizada polo Concello de A Guarda, onde compartimos una tarde de actividades  cun outras asociacións da nosa vila. Unha morea de xente a que se achegou ata a Alameda para desfrutar desta tarde de actuacións, en moitos casos conxuntas. Unha sección da nosa banda interpretou unhas pezas ao carón do punto de información da asociación San Vicente de Paul.

Grazas a todos por asistir. Esperamos que vos gustara tanto como a nós! Deixámosvos unhas imaxes.