UN CONCERTO DE PELÍCULA

Onte venres tivo lugar no Porto de A Guarda o noso “Concerto de película”. Foi un concerto diferente dos habituais no que a imaxe tivo un papel destacado ao combinala coa música da banda. Acompañados por un moi numeroso público, lembramos coñecidas bandas sonoras que todos temos na nosa mente. Este concerto estivo enmarcado na XV Festa do Peixe Espada, organizada por OR.PA.GU, a quen facemos chegar o noso agradecemento por todo o seu apoio e a confianza que puxeron en nós.  Foi un pracer ofrecer este espectáculo do que desfrutamos moito, esperamos que vos gustase tanto como a nós.

Grazas a todos por a vosa compañía e polos vosos aplausos. O noso agradecemento tamén ao Concello da Guarda e a Deputación de Pontevedra.

Aproveitamos para lembrarvos que pronto estaremos de novo con todos no Festival de Bandas de Música “Vila da Guarda”. Non Faltedes!!. 

Podes ver as imaxes de Lalo Rodríguez neste enlace: Concerto de Película

2ª MOSTRA MUSICAL

O pasado sábado ofrecemos a segunda mostra musical na Casa da Comunidade de Montes de Camposancos.  Acompañados por un bo número de veciños e veciñas desa localidade, tratamos de amosar aos presentes as diferenzas entre os instrumentos máis habituais nunha banda, os diferentes estilos musicais, e as posibilidades que ofrece tocar en grupo.

Foi un pracer compartir esta xornada cos veciños e veciñas de Camposancos.  Moitísimas grazas a todos por asistir e o noso agradecemento á Comunidade de Montes de Camposancos pola súa colaboración.

Deixámosvos unhas imaxes:

NOVO CONCERTO

MOSTRA A GÁNDARA

O pasado venres tivo lugar a primeira das mostras musicais que temos organizadas para este verán. Foi nas instalacións da A. V. O Percamiño. Pasamos un rato moi agradable na compañía dos veciños e veciñas da Gándara cos que tivemos ocasión de compartir un pouco de música e de amosarlles os diferentes instrumentos que compoñen unha banda de música. Esperamos que o pasarades tan ben como nós. Moitas grazas pola vosa asistencia e polo ben que nos tratastes.

 

O noso agradecemento á Asociación de Veciños “O Percamiño” por deixarnos as súas instalacións para a celebración deste acto.

 

    

   

MOSTRAS MUSICAIS

III Aula de verán

Apúntate a esta  actividade de verán na que poderás iniciarte na música e na práctica dun instrumento de vento ou percusión. Se non tes instrumento, prestámosche un. Só tes que chamar o teléfono indicado ou enviarnos un e-mail ao enderezo que aparece no cartel. 

Anímate. Totalmente gratuita!!

X PRIMAVERA MUSICAL EN CANDEÁN

Onte pasamos unha tarde moi agradable participando na X Primavera Musical de Candeán, convidados pola Banda de Música da U.V.C.D. de Candeán. Os nosos parabéns ás bandas de Salvaterra e de Candeán pola súa gran actuación, e tamén felicitar aos nosos anfitrións pola estupenda organización do festival e darlles as grazas por convidarnos a este evento. En breve teremos un novo encontro con esta estupenda formación da U.V.C.D. de Candeán. 

Sobre estas liñas, dúas imaxes da actuación da Agrupación Musical 

de A Guarda  na X Primavera Musical de Candeán.

 A Banda de Música de Salvaterra finalizando a súa actuación

 Momento da actuación da Banda da U.V.C.D. de Candeán