ACTUACIÓN LUAR

O vindeiro venres día 24 de xaneiro a Agrupación Musical da Guarda actuará no programa LUAR da Televisión de Galicia. Será ás 22:00 h.

CONCERTO SANTA CECILIA 2013

O pasado sábado día 23 (por unha vez sen choiva) celebramos un ano máis a festividade de Santa Cecilia co tradicional concerto na igrexa parroquial de Santa María da Guarda, no que  D. Jesús García Villadóniga como ven sendo habitual, foi o presentador do evento. Nesta ocasión a celebración tiña algo especial para nós xa que durante o concerto fixémoslle unha pequena homenaxe a D. Florindo Lomba González, primeiro presidente e membro fundador da banda que decidiu deixar á directiva hai tan só uns meses, despois de once anos na presidencia.

Abriu o concerto a Banda Infantil que interpretou tres pezas de diferentes estilos musicais dirixidos por José Antonio Soutelo. O público premiou ós rapaces cunha forte ovación e estes tocaron unha peza mais. Ó remate da súa actuación algúns dos compoñentes máis veteranos da banda entregaron a insignia da agrupación ós músicos desta sección que a partir de agora formarán parte da banda grande, a Agrupación Musical da Guarda.

Os novos compoñentes son:

           Andrea González Lorenzo ...... clarinete

David Rodríguez ponlle a insignia a Andrea

Carla Vizoso Morales.............. clarinete

                           Sara Márquez coa nova compoñente Carla






Elena García Nuñez................. clarinete

                                                                    Gemma coa súa nova compañeira Elena

 
Miguel Barbosa González....... tuba

 

  

                                           Óscar Arias con Miguel

A continuación  D. Jesús, en nome de toda a agrupación dedicoulle unhas palabras a Florindo salientando á súa desinteresada colaboración ó longo de todos estes anos. Foron anos de crecemento para a agrupación que comezou alá polo ano 2001 partindo de cero, contando só cun grupo de nenos e nenas que querían aprender a tocar e coa ilusión dun grupo de persoas que creron no proxecto de formar unha banda de música no noso pobo. O resultado está aí, hoxe en día  temos unha banda que está a ser coñecida en toda a xeografía galega e ademais unha banda infantil que promete. Entre estas persoas estaba Florindo, sempre traballando e dedicando o seu tempo libre á agrupación. En agradecemento á súa colaboración quixemos facerlle esta homenaxe e outorgarlle a insignia de ouro da Agrupación Musical da Guarda, máximo distintivo da nosa asociación.

 A insignia foille entregada pola actual presidenta María Elena Álvarez Silva. Seguidamente entregamos un ramo de flores a María Teresa, a dona de Florindo.

    

  Unha vez preparados os maiores, comezou a súa actuación a Agrupación Musical da Guarda xa cos seus novos músicos. Dirixidos por Víctor Alonso Treinta interpretaron cinco pezas variadas que foron moi aplaudidas polos público que practicamente enchía a igrexa. Antes de cerrar ó acto un membro da banda, Miguel Carrero entregou un agasallo a D. Jesús.

            Desde estas liñas queremos agradecerlle que nos preste a igrexa para a celebración deste evento, e por suposto a súa disposición a colaborar con nós sempre que o necesitamos. Moitas grazas tamén a todos os que se achegaron para escoitarnos, esperamos vernos de novo o vindeiro ano.

CONCERTO DE SANTA CECILIA 2013

VII FESTIVAL DE BANDAS "VILA DA GUARDA"

         Tarde de praia a do pasado sábado na que celebramos o VII Festival de Bandas “Vila da Guarda”  na Praza de San Benito, que aínda que nun principio tiña pouca xente nas bancadas, pouco a pouco o público foise achegando ata encher o auditorio.  Cun tempo inmellorable para gozar dun evento deste tipo e  a hora prevista, ás bandas percorreron o paseo do porto para facer a súa entrada na praza. A noite calorosa e sin vento fixo que a música soara mellor que nunca animando e convencendo ós presentes que o final pediron “outra”. Xa finalizado o concerto procedeuse a entrega duns agasallos ás bandas invitadas e ó sorteo dun lote de produtos entre os asistentes.

  

A Unión Musical de Cabral facendo asúa presentación na Praza de San Benito

 Agrupación Musical Ateneo Santa Cecilia de Marín ó término do seu pasarrúas

 Agrupación Muscal da Guarda entrando no auditorio

Os tres directores ó finalizar o concerto

 
 Dende aquí queremos agradecer unha vez máis a colaboración de todos os establecementos e institucións que coa súa axuda fixeron posible a realización deste festival. Grazas tamén a Elena Baz pola súa desinteresada colaboración, a Tini Lomba, os PP Somascos e por suposto, grazas a todos os asistentes que coa súa presenza e boa acollida demostraron outra vez que o Festival de Bandas ocupa un lugar importante nas actividades culturais do noso pobo, por iso seguiremos traballando para poder ofrecer unha nova edición o vindeiro ano na que esperamos velos de novo.

Elena Baz presentando o Festival

Entrega do lote sorteado á dona do boleto agraciado

VII FESTIVAL DE BANDAS VILA DA GUARDA

CURSOS DE VERÁN

CONCERTO SOLIDARIO

Tarde fría a do pasado sábado para celebrar o concerto solidario na Praza de San Benito. Aínda que non choveu,  o auditorio non se encheu pero o público alí congregado achegou o seu gran de area doando unha boa cantidade de alimentos que, o finalizar o concerto, foron entregados á asociación San Vicente de Paúl para ser distribuidos entre as familias menos favorecidas da nosa vila. O acto estivo presentado polo noso párroco Don Jesús, sempre disposto a colaborar cando se precisa da súa axuda. Desde estas liñas queremos agradecer a todo o mundo a súa colaboración con esta causa.

A continuación, unhas fotos de Lalo Rodríguez:

Para ver o resto preme aquí