Continuamos con actividades para complementar a formación dos nosos músicos. O próximo fin de semana contaremos con un obradoiro no que profundizaremos nos coidados que requiren os instrumentos de vento. Será un obradoiro gratuito a cargo de Gabriel Saito e Ángel Suárez, técnicos e reparadores de instrumentos de vento metal e vento madeira.

 

BOAS FESTAS!!

 

Dende a Agrupación Musical da Guarda queremos desexarvos unhas moi boas festas.

Tamén agradecervos con moito agarimo por ternos acompañado neste ano tan especial, celebrando o noso XX aniversario.

Por seguir sumando moitos anos máis, e por continuar compartindo música con todos vós!!

 

 

CONCERTO NO RECREO ARTÍSTICO GUARDÉS

 Onte tivemos ocasión de poñer música nos actos da celebración do CXXXV aniversario do Recreo Artístico Guardés. Pasámolo moi ben tocando para os socios, socias e convidados que encheron o local.

Moi agradecidos polo trato recibido e os aplausos dos asistentes. Foi un pracer participar no aniversario da emblemática e centenaria asociación cultural. Moitas grazas por contar con nós.

 

                                            Actuación incluída dentro do programa Culturea

 

 

CONCERTO DE SANTA ICÍA

 

Este ano demos a benvida a dous novos membros: Benxa e Diego. Benvidos!!

 

Ademáis, co gallo do XX aniversario, os nosos directores Jose e Víctor recibiron unhas batutas en conmemoración a tantos anos de dedicación.

 

Queremos agradecer a todo o público asistente, fixéstesnos desfrutar de Santa Cecilia como nunca.

E como non todo vai ser traballar, despois do concerto a banda de iniciación e a agrupación desfrutamos todos xuntos dunha cea fantástica, pasámolo moi moi ben!!

 

Parabéns a todos os músicos por tan bo traballo. 

 

O noso agradecemento a Pozaslalo fotografías por sempre facernos reportaxes de tan alto nivel en días tan especiais para nós coma este. Podedes ver as súas fotos do concerto no seu perfil de Facebook.

 

E por suposto moitas grazas ao noso novo párroco D. Juan Luis pola súa colaboración como presentador do acto.

 

Aquí tedes unha imaxes do Grupo de Iniciación

 

 e da Banda de Música

 

 

 

Benxa o novo trompeta con Pablo

 

 

Diego novo percusionista cos seus fillos Mario e Adrián

 

Os directores Víctor e José Antonio recibiron tamén un agasallo

 

 

Coa colaboración de

 

CONCERTO DE SANTA ICÍA

 Todo a punto  para o concerto de Santa Icía deste ano! Será na igrexa parroquial de A Guarda, non faltedes!!

OBRADOIROS DE VENTO MADEIRA

 Remataron os Obradoiros de Vento Madeira. Unhas instructivas e proveitosas xornadas que os nosos músicos souberon aproveitar e desfrutar, coas ensinanzas duns grandes profesionais como Fernando Raña, Rafael Yebra e Asterio Leiva. Un pracer contar con eles. 

Aquí tedes algunhas fotos destes obradoiros.

 Arriba, Fernando Raña coas nosas frautistas. Abaixo Rafael Yebra e os participantes de saxofón.

 

 

 

 E a continuación os de clarinete, con Asterio Leiva

 

 

 

 

 

 

 

Coa colaboración de:

 

 

 

OBRADOIROS DE VENTO MADEIRA

 

Para comezar o novo curso, os instrumentistas da banda terán a oportunidade de asistir a obradoiros impartidos por mestres de moi alto nivel.

Os obradoiros serán desta vez para os músicos de vento madeira. Os mestres proporcionaranlles os recursos para mellorar a súa calidade musical, complementando a formación musical de todos eles.

Esperamos que aprendan moito!!

 

                                      Colabora: