FESTA SAN MAMED

E onte estivemos pondo música nas Festas de San Mamed en Pedornes onde fomos moi ben recibidos. Moitas grazas á Comisión de Festas por contar con nós.

 

 

Actuación incluída no programa Culturea: 

 

FESTA DE SAN CAETANO

Onte estivemos en San Caetano percorrendo o barrio e acompañando á procesión. Botamos de menos o airiño fresco da Cruzada 😅.

Grazas por contar con nós un ano máis.

 

 

FESTAS DA VIRXE DO CARME

 Un ano máis participando nas Festas da Virxe do Carme. Aquí vos deixamos unhas imaxes deste día tan fermoso e caloroso. Moitas grazas á Comisión de Festas por contar con nós.

                             Actuación incluída no programa Culturea da Deputación de Pontevedra.

 

FESTA DA LANGOSTA - CONCERTO DE BANDAS SONORAS

 

Algunhas fotos do concerto de bandas sonoras deste sábado, celebrando o noso XX aniversario  por todo o alto.

Malia o frío foi un éxito, moitas grazas a todo o público que nos acompañou con tanto agarimo

Estade atentos, que a celebración continúa!

 

 

 

 

O noso agradecemento ao Concello da Guarda por contar con nós na Festa da Langosta.

FESTA DA LANGOSTA

Onte, a Agrupación musical da Guarda tivemos o enorme pracer de recibir por parte do Concello da Guarda a LANGOSTA DE HONRA polos nosos recén cumpridos 20 anos de traxectoria.

Non podemos estar máis felices!

Queremos agradecer ao Concello pola distinción e ao público por seguirnos durante todo este camiño.

Do mesmo xeito, agradecer tamén a todos os músicos que pasaron pola banda e ás anteriores directivas.

 

 

 

 

 

 

 

CONCERTO DE BANDAS SONORAS

Faltan só uns días para a nosa próxima actuación: o Concerto de Bandas Sonoras. Será o vindeiro sábado 5 de xullo  ás 23:00 horas no Porto da Guarda, dentro da programación da Festa da Langosta. 

Non faltedes!!

 

XX ANIVERSARIO DA BANDA

 

HOXE ESTAMOS DE ANIVERSARIO!

Exactamente un día coma hoxe, 20 anos atrás, comezamos a encher de música, emocións e momentos inesquecibles á nosa vila.

Para lembrar de onde vimos, aquí vos deixamos un vídeo da nosa primeira presentación en público no ano 2005, cheos de nervios e ilusión por ter comezado un novo camiño: https://youtu.be/pOwpzMrFArU?si=HtaVZ9okfA6aJUF0

Queremos agradecer a todas as persoas que formastes parte desta gran familia ao longo destes anos: músicos antigos que fostes pioneiros, músicos novos, director, familias, colaboradoras e colaboradores… tamén a unha parte esencial, o noso público, que sempre estivo aí dende os inicios.

E por suposto… ¡imos celebralo!

Moi pronto anunciaremos un concerto moi especial enmarcado na conmemoración destas dúas décadas de historia.

Estade moi atentos/as!