NOVO CONCERTO

MOSTRA A GÁNDARA

O pasado venres tivo lugar a primeira das mostras musicais que temos organizadas para este verán. Foi nas instalacións da A. V. O Percamiño. Pasamos un rato moi agradable na compañía dos veciños e veciñas da Gándara cos que tivemos ocasión de compartir un pouco de música e de amosarlles os diferentes instrumentos que compoñen unha banda de música. Esperamos que o pasarades tan ben como nós. Moitas grazas pola vosa asistencia e polo ben que nos tratastes.

 

O noso agradecemento á Asociación de Veciños “O Percamiño” por deixarnos as súas instalacións para a celebración deste acto.

 

    

   

MOSTRAS MUSICAIS

III Aula de verán

Apúntate a esta  actividade de verán na que poderás iniciarte na música e na práctica dun instrumento de vento ou percusión. Se non tes instrumento, prestámosche un. Só tes que chamar o teléfono indicado ou enviarnos un e-mail ao enderezo que aparece no cartel. 

Anímate. Totalmente gratuita!!

X PRIMAVERA MUSICAL EN CANDEÁN

Onte pasamos unha tarde moi agradable participando na X Primavera Musical de Candeán, convidados pola Banda de Música da U.V.C.D. de Candeán. Os nosos parabéns ás bandas de Salvaterra e de Candeán pola súa gran actuación, e tamén felicitar aos nosos anfitrións pola estupenda organización do festival e darlles as grazas por convidarnos a este evento. En breve teremos un novo encontro con esta estupenda formación da U.V.C.D. de Candeán. 

Sobre estas liñas, dúas imaxes da actuación da Agrupación Musical 

de A Guarda  na X Primavera Musical de Candeán.

 A Banda de Música de Salvaterra finalizando a súa actuación

 Momento da actuación da Banda da U.V.C.D. de Candeán

PRIMAVERA MUSICAL EN CANDEÁN

O vindeiro día 26 estaremos en Candeán (Vigo) en compañía dos compañeiros das bandas de Salvaterra e Candeán. Achegádevos para desfrutar da X primavera musical!

CONCERTO DE PRIMAVERA 2018

O pasado sábado tivo lugar o noso Concerto de Primavera, o primeiro desta tempada. Foi na Casa dos Alonso ás 20:00 h, acompañados dun numeroso público que nos apoiou e animou en todo momento.  Unha vez máis agradecemos a vosa presenza e os vosos aplausos. Esperamos que vos gustase a nosa actuación. Vémonos de novo moi pronto!

Aqui tedes algunhas imaxes:

O noso agradecemento tamén á Concellería de Cultura e o Concello da Guarda.