CEA NADAL

Como xa sabedes coa lotería do Nadal sorteamos unha cea para 4 persoas no Restaurante Xantar de A Guarda. Pois ben, o número agraciado foi o 140 e estes foron os afortunados que desfrutaron do seu agasallo.

Os gañadores coa participación premiada

Na lotería non tocou nin unha pedrea, pero desexamos que desfrutárades da cea.

GRUPO INICIACIÓN

A AGRUPACIÓN MUSICAL DE A GUARDA DESEXAVOS UN BO NADAL E UN 2016 CARGADIÑO DE FELICIDADE E BOS MOMENTOS MUSICAIS.

CONCERTO DE SANTA CECILIA 2015

O pasado sábado día 28, ás 20:30 h como estaba previsto tivo lugar o Concerto de Santa Cecilia deste ano. Moito público na igrexa que desfrutou das actuacións da Banda Infantil,  dirixida por  J. Antonio Soutelo, e da Agrupación Musical de A Guarda baixo a batuta, como sempre, de Víctor luís Alonso Treinta.

Foi unha fermosa actuación, cun repertorio totalmente novo nas dúas bandas, unha mostra do gran traballo que están a facer os directores, aos que agradecemos a súa dedicación á banda.

O presentador non podía ser outro que o noso párroco D. Jesús, que como sempre, prestouse a colaborar en todo momento. Entre ás dúas actuacións procedeuse á entrega da insignia da banda ós músicos da infantil que pasan a formar parte da banda grande  desde agora. Son os seguintes:

Aarón Fernández Pérez, trompa

 Pablo ponlle a insignia a Aarón

Antoni Monteiro da Silva, trombón

Antoni recibe a insignia de mans de Óscar

Lucía Arzúa Álvarez, saxo alto

                                                   Néstor coa súa nova compañeira Lucía

Marcos Renda Fernández, saxo alto

                                                  Coral colócalle a insignia a Marcos

María Pérez Pilarte, clarinete

Gemma posando coa nova compoñente da banda, María

Nerea Fernández López, clarinete

                                        Jorge foi o encargado de poñerlle a insignia a Nerea

Pablo Vicente Pereira, trompeta

                                                Pablo, o máis novo da banda, con Luciano

Roberto Gil Barbosa, bombardino

                                              Roberto xa coa súa insignia posa con Brais

Seguidamente o novo presidente da asociación, David Álvarez Mariño,  entregou un agasallo á anterior presidenta María Elena Álvarez Silva, á que agradecemos o seu labor e dedicación durante os anos que ocupou o cargo e a quen desexamos unha longa traxectoria musical na nosa banda. 

David Álvarez con Elena

 O público ovacionou fortemente ós músicos das dúas bandas que estiveron estupendos. Para rematar, a Agrupación Musical de A Guarda ofreceu unha peza fóra de programa agradecendo así o apoio e os aplausos dos presentes. As nosas felicitacións ós músicos e por suposto, a Víctor e José Antonio, que saben sacar o mellor deste grupo de rapaces e rapazas que forman á agrupación.

Ó remate do concerto o presidente David Álvarez entregou un agasallo a D. Jesús en nome da Agrupación Musical da Guarda como agradecemento  pola súa colaboración, xa que sen a súa axuda non sería posible a realización deste concerto.

Grazas tamén a todos os pola vosa presenza, polo voso apoio e pola vosa fidelidade, esperamos encontrarnos de novo en vindeiros concertos.

Momento da actuación da Banda Infantil baixo a dirección de José Antonio

O público ateigaba a igrexa

A Agrupación Musical de A Guarda durante a súa actuación con Víctor Alonso na dirección

CONCERTO DE SANTA CECILIA

IX FESTIVAL DE BANDAS

Onte sábado 22 celebrouse a IX edición do Festival de Bandas de Música “Vila da Guarda”, que por primeira vez trasladouse ó patio cuberto do colexio dos PP Somascos xa que á hora de comezar os preparativos para o concerto presentábase unha tarde desapracible, o que nos levou a tomar esa decisión ante o risco de choiva. Non se fixo o habitual pasacalle de entrada das bandas e por motivos alleos a nós tivemos que retrasar o comezo do  festival ata ás 20:30 horas. Sentimos as molestias ocasionadas por este cambio de escenario e de horario.

O concerto estivo presentado por David Álvarez que deu paso á banda Nova Lira de Moraña. De seguido actuou a segunda banda invitada: a Municipal de Ribadeo cerrando o concerto a Agrupación Musical de A Guarda. Moi boa resposta por parte do público que abarrotou o patio e premiou con fortes aplausos as actuacións destas magníficas agrupacións.

Ao final do concerto as bandas invitadas recibiron uns agasallos da Agrupación Musical de A Guarda e do Concello da Guarda, e para cerrar este festival procedeuse como sempre, ó sorteo dun lote de produtos.

Moitísimas grazas ós PP Somascos por prestarnos as súas instalacións para a celebración deste evento. Grazas tamén a todos os establecementos colaboradores polo seu apoio e por suposto o Concello da Guarda.

Esperamos que este festival fora do voso agrado e que desfrutarades da música. Moitas grazas a todos por acudir á cita. Esperámosvos o vindeiro ano nunha nova edición.

Banda de Música Nova Lira de Moraña durante a súa actuación

Banda de Música Municipal de Ribadeo

Agrupación Musical de A Guarda

IX FESTIVAL DE BANDAS