CONCERTO SOLIDARIO

I ENCONTRO DE BANDAS INFANTILES 2015

Onte día 2 de maio tivo lugar o I Encontro de Bandas Infantiles, concerto que por mor do mal tempo houbo que celebrar a cuberto, nesta ocasión e por primeira vez  o marco  que finalmente acolleu ás bandas foi a Casa dos Alonsos, na Praza do Reló.

Ante unha boa afluencia de público actuaron a Minibanda de Mougás e a Banda Infantil da Agrupación Musical de A Guarda, presentados por Víctor Luís Alonso Treinta. Ás dúas bandas ofreceron un magnífico concerto e foron moi ovacionadas polo numeroso público. 

Felicitamos ós rapaces e rapazas que tocaron moi ben e tamén ós directores Luís Giráldez (Minibanda de Mougás) e J. Antonio Soutelo  (Banda Infantil da Agrupación Musical da Guarda).

  

Momento da actuación da Minibanda de Mougás baixo a dirección de  Luís Giráldez

A presidenta da Agrupación Musical de A Guarda Elena Álvarez fai entrega dun agasallo a Luís Giráldez

    

A Banda Infantil da Agrupación Musical da Guarda co seu director J. Antonio Soutelo

* Fotos cedidas por Lalo Rodríguez

ENCONTRO DE BANDAS INFANTILES

CAMBIO DE UBICACIÓN DO ENCONTRO DE BANDAS

Queremos comunicarvos que por razóns alleas a nós, en caso de chuvia o I Encontro de Bandas Infantiles terá lugar na Casa dos Alonsos (Praza do Reló) e non no colexio como estaba previsto.

Esperamos que veñades a vernos!

AVISO A TODOS OS SOCIOS E SOCIAS

Asemblea Xeral Ordinaria o vindeiro día 28 de febreiro, ás 19:30 h en primeira convocatoria e ás 20:00 h en segunda, como sempre no local de ensaios da banda.
Non faltedes!!

SORTEO NADAL

Pois este ano tampouco houbo sorte coa lotería de Nadal, pero revisade as vosas participacións por se algún de vos é o agraciado coa cea que se sorteaba co número de serie das papeletas da agrupación.

O número premiado é o   437

FELIZ  2015 !!

CONCERTO SANTA CECICLIA 2014

Gran afluencia de público na igrexa a pesar da chuvia que non parou en todo o día para presenciar o concerto que deu comezo ás 20:30 h como estaba previsto. A Banda Infantil  dirixida como sempre por  J. Antonio Soutelo, fixo unha magnifica actuación e os rapaces convenceron o público que se entregou, respondendo con fortes aplausos. As nosas felicitacións a todos os seus compoñentes e a  José Antonio que fixo un gran traballo.

Ó rematar os músicos retiráronse para dar paso ós seus compañeiros da Agrupación Musical da Guarda pero antes de comezar á súa actuación, o presentador  D. Jesús García Villadóniga, foi chamando un a un ós músicos da infantil que pasan a formar parte da banda grande  desde agora, para que recibiran da man dos seus compañeiros Coral, Laura e Raquel a insignia da Agrupación e se incorporaran ó grupo.  Entre os novos compoñentes da banda atópase a nosa presidenta Elena que coa súa constancia conseguiu acadar a súa meta. Foi a súa propia filla Melissa, compoñente tamén da agrupación, quen lle puxo a insignia e a convidou a sentarse na súa cadeira. Dende agora nai e filla compartirán a súa afección. Desexámoste unha longa traxectoria musical. E por suposto parabéns tamén ás outras tres rapazas que comezan a unha nova etapa chea de ilusión e optimismo. Os  nomes destes novos músicos son:

Alba Barbosa ........saxofón


                      
 Coral ponlle a insignia á súa nova compañeira Elena

                                                              

Andrea Fernández .........Frauta

Andrea posa con Laura despois de recibir a insignia

Candela Pérez...... Frauta




  
Candela recibe a insignia de mans de Raquel

                      




   
                                                            

        Elena Álvarez......... Saxofón

         Melissa ponlle a insignia á súa nai Elena, a nosa presidenta

* Fotos cedidas por Lalo Rodríguez



Unha vez acomodados, Víctor Alonso Treinta dirixiu a actuación dos maiores ofrecendo catro obras, unha delas con Melissa como clarinete solista que foi moi ovacionada. O público implicouse coa banda desde o principio e gozou coas interpretacións dos nosos músicos que estiveron estupendos e, por certo moi elegantes co seu novo uniforme que estreaban para a ocasión. A banda agradeceu os aplausos dos presentes cun pasodoble fóra de programa, co que puxeron fin á súa participación neste concerto. Moi ben rapaces, seguide así. Parabéns Víctor.

Antes de rematar Miguel Carrero un dos percusionistas da banda entregou un agasallo a D. Jesús en nome da Agrupación Musical da Guarda. Queremos  agradecerlle dende aquí a súa inestimable colaboración, xa que sen a súa axuda non sería posible a realización deste concerto.

Grazas tamén a todos os que nos acompañastes nesta data tan especial para os músicos pola vosa presenza, polo voso apoio e pola vosa fidelidade porque sabemos que moitos de vos estades aí sempre que tocamos. Ata o vindeiro ano.