IX FESTIVAL DE BANDAS

Onte sábado 22 celebrouse a IX edición do Festival de Bandas de Música “Vila da Guarda”, que por primeira vez trasladouse ó patio cuberto do colexio dos PP Somascos xa que á hora de comezar os preparativos para o concerto presentábase unha tarde desapracible, o que nos levou a tomar esa decisión ante o risco de choiva. Non se fixo o habitual pasacalle de entrada das bandas e por motivos alleos a nós tivemos que retrasar o comezo do  festival ata ás 20:30 horas. Sentimos as molestias ocasionadas por este cambio de escenario e de horario.

O concerto estivo presentado por David Álvarez que deu paso á banda Nova Lira de Moraña. De seguido actuou a segunda banda invitada: a Municipal de Ribadeo cerrando o concerto a Agrupación Musical de A Guarda. Moi boa resposta por parte do público que abarrotou o patio e premiou con fortes aplausos as actuacións destas magníficas agrupacións.

Ao final do concerto as bandas invitadas recibiron uns agasallos da Agrupación Musical de A Guarda e do Concello da Guarda, e para cerrar este festival procedeuse como sempre, ó sorteo dun lote de produtos.

Moitísimas grazas ós PP Somascos por prestarnos as súas instalacións para a celebración deste evento. Grazas tamén a todos os establecementos colaboradores polo seu apoio e por suposto o Concello da Guarda.

Esperamos que este festival fora do voso agrado e que desfrutarades da música. Moitas grazas a todos por acudir á cita. Esperámosvos o vindeiro ano nunha nova edición.

Banda de Música Nova Lira de Moraña durante a súa actuación

Banda de Música Municipal de Ribadeo

Agrupación Musical de A Guarda

IX FESTIVAL DE BANDAS

CONCERTO X ANIVERSARIO

Onte xoves pola noite ofrecemos o último dos concertos que tiñamos organizados para conmemorar o noso X aniversario. Foi un concerto diferente os habituais no que se combinaron a música e a imaxe. Afortunadamente o tempo non foi tan malo como se prevía e permitiunos seguir o plan previsto ata o final, ante unha praza ateigada de xente que desfrutou do espectáculo. 

 O acto estivo presentado polo actor e director guardés Nani Matos que nada máis terminar o concerto, foi chamando ós músicos fundadores que aínda continúan na banda para entregarlles de mans do director Víctor Alonso, un simbólico diploma en agradecemento e recoñecemento polo seu traballo e dedicación ó longo destes dez anos. A continuación unha compoñente da directiva fixo entrega dun agasallo a Víctor. Nani Matos fixo un paréntese para dedicar unhas palabras ó director destacando a amizade que os une desde hai trinta anos e de seguido, a presidenta da agrupación entregoulle un detalle para agradecerlle a súa colaboración. Como broche final proxectáronse unha serie de fotos que resumían a historia da banda nestes dez anos de andadura, desde a súa presentación oficial o 25 de xuño de 2005 ata hoxe; un percorrido no tempo no que se mostraron actuacións, viaxes, certames e como non, momentos de ocio nos que os nosos músicos desfrutan da súa amistade e compañeirismo fóra do ámbito musical.

 

O noso agradecemento o Concello da Guarda e a Concellaría de Cultura pola súa colaboración. Tamén moitas grazas a Nani Matos, Agrupación Musical do Rosal, Brais Martínez e cantas persoas nos axudaron na realización deste evento, e as casas comerciais que nos apoiaron desde o principio.

Rematado este ciclo de concertos que esperamos foran do voso agrado, estamos preparando xa o IX Festival de Bandas de Música que será o vindeiro 22 de agosto na Praza de San Bieito ou nos PP Somascos se chove. 

Moitas grazas a todos por compartir con nós estes momentos musicais. 

Esperámosvos o día 22. Non faltedes !!

CONCERTO X ANIVERSARIO

2º CONCERTO X ANIVERSARIO

O venres día 10 desfrutamos dunha agradable noite de jazz no acolledor escenario da praza do Reló. O magnífico grupo St. James Street Band nun ambiente tranquilo e relaxado, fixo un percorrido polo jazz tradicional ofrecendo temas de calidade e boa música para o numeroso público que se achegou ata a praza.

Lembrade que o vindeiro día 30 será o terceiro concerto do noso X aniversario. Esperámosvos a todos.

CONCERTO JAZZ

CONCERTO DE "LOS SWINGDOMABLES"

O incomparable marco da Praza do Reló acolleu o pasado venres 26 de xuño o primeiro dos tres concertos que temos organizados para  celebrar o noso X aniversario. Pasamos una velada moi agradable en compañía da Big Band “Los Singdomables Jazz Orquestra” que coa súa gran actuación deleitaron o público que se achegou ata a Praza do Reló para gozar da música de jazz e swing.  Foi un espectáculo entretido e diferente, presenciado por unha abondosa concorrencia que se deixou levar polos acordes desta estupenda banda. A presentación estivo a cargo de David Álvarez, membro da directiva da Agrupación Musical de A Guarda.

Grazas por facernos pasar tan bo rato coa vosa música e a vosa simpatía.