FESTAS DA VIRXE DO CARME

 Vémonos este xoves nas Festas da Virxe do Carme!!

 

OBRADOIRO PERCUSIÓN

Comezou o novo obradoiro de percusión! nesta ocasión de técnicas e percusión clásica para banda.  Seguro que os participantes sacarán bo proveito deste taller de verán pensado para formar futuros percusionistas para a banda. 

 Colabora 

XVI FESTIVAL DE BANDAS

Rematou o XVI Festival de Bandas celebrado o pasado sábado, comezou cun pasarrúas polo porto e terminou despois do concerto cunha peza conxunta en San Benito.

Que ben o pasamos coa Banda da Quinta do Picado que chegaron dende Aveiro para compartir con nós unha xornada de música e confraternidade. Un pracer coñecelos e pasar tan bos momentos con eles. Ata a próxima que esperamos que sexa pronto!

Grazas a todos e todas os que vos achegastes ata o auditorio de San Benito, agardamos que vos gustase e que pasásedes unha tarde agradable.

O noso agradecemento ao Concello de A Guarda e aos establecementos colaboradores.

 

 

  

 

 

 

Colabora 

 

XVI FESTIVAL DE BANDAS "VILA DA GUARDA"

 

Seguimos cos concertos. O vindeiro día 20 celebraremos o XVI Festival de Bandas de Música como sempre no Auditorio de San Benito ás 19:45 h. Se chove trasladaríase ao Pavillón Municipal da Sangriña.

 

Nesta ocasión temos o pracer de recibir como convidada á formación Banda da Quinta do Picado que chega dende Aveiro, no país veciño, para alegrarnos coa súa música.

Non podedes faltar. Vémonos!!

 

 

PROCESIÓN DE CORPUS

 Un ano máis acompañamos á procesión de Corpus percorrendo ás rúas cubertas das marabillosas alfombras florais realizadas polos veciños e veciñas de A Guarda. Parabéns polo voso traballo!

CONCERTOS NAS PARROQUIAS: CAMPOSANCOS

O sábado pechamos o ciclo dos Concertos nas Parroquias co concerto de Camposancos, na Casa da Comunidade de Montes. Estamos encantados pola boa acollida desta iniciativa e moi agradecidos á directiva da Comunidade de Montes por tratarnos sempre tan ben, así da gusto ir a tocar.

Grazas tamén ao Concello por colaborar nesta actividade e agardamos repetir o vindeiro ano.

                                   Colaboran                                  

    

ACTUACIÓN EN OIA: FESTA DA VIRXE DO CARME

 O pasado sábado levamos a nosa música a Oia para alegrar as rúas e acompañar á procesión nunha fermosa paraxe como é o porto e o Mosteiro. Un pracer tocar ao carón do mar nun día tan emblemático para os veciños e veciñas de Oia. O noso agradecemento á Comisión de Festas e ao Concello de Oia por contar con nós. 

 Esta actuación está incluída no programa Culturea da Deputación de Pontevedra.