BOAS FESTAS

 

XORNADAS INSTRUMENTAIS (4)

 E o broche de ouro para pechar estas Xornadas Transfronteirizas: o Encontro de Bandas da Foz do Miño, no que participamos xunto coa Agrupación Musical do Rosal e a Banda de Música de Lanhelas no pavillón municipal de Caminha. 

O noso agradecemento á Cámara de Caminha pola organización deste evento e por suposto ao Concello de A Guarda e ao Departamento de Cultura do Concello.

                                                                         

XORNADAS INSTRUMENTAIS EUROCIDADE (3)

 E como broche de ouro concerto conxunto en Caminha. Non faltedes!

XORNADAS INSTRUMENTAIS TRANSFRONTEIRIZAS (2)

Onte día 14 tiveron lugar as Xornadas Instrumentais Eurocidade coas Clases Maxistrais de clarinete e de saxofón, impartidas por Asterio Leiva Piñeiro e Rafael Yebra Rivera, respectivamente, os dous profesores do Conservatorio Superior de Música de Vigo. Con estas clases remata este ciclo de xornadas instrumentais, aínda que os actos de capacitación deste programa pecharán o vindeiro sábado día 21 cun Encontro de Bandas que terá lugar en Caminha. 

O noso agradecemento ao Concello de A Guarda por esta iniciativa.

 

 

 

 

 

XORMADAS INSTRUMENTAIS TRANSFRONTEIRIZAS (1)

O pasado sábado tiveron lugar as Xornadas Instrumentais Eurocidade, nas que os alumnos desfrutaron de Clases Maxistrais de vento-metal e de percusión, da man de Hansel Luis Díez  e José Antonio González Guevara. O noso agradecemento ao Concello de A Guarda por esta iniciativa.

Aproveitamos para lembrarvos que o vindeiro sábado día 14 teremos unha nova xornada instrumental con clases maxistrais de clarinete e saxofón, a cargo de Asterio Leiva Piñeiro e Rafael Yebra Rivera.

Aquí tedes unhas imaxes da xornada. 

 

 

 

  

 

 

 

CONCERTO DE SANTA ICÍA

 Onte sábado foi o noso concerto de Sana Cecilia na igrexa parroquial, actuando en primeiro lugar o Grupo de Iniciación da nosa banda e a continuación a Agrupación Musical de A Guarda. Entre as dúas actuacións fíxose unha paréntese pra facer entrega da insignia da Agruación aos novos e novas compoñentes que se incorporaron este ano. Son as seguintes:

Lucía (trombón), quen recibe a insignia da súa irmá Sara:

Hugo (trombón), entrégalle a insignia o seu irmán Pablo:

 

Roque (bombardino), entrega o seu compañeiro Lucas:

Diana (trompa) recibe a insignia de mans da súa filla Dafne:

Teresa (clarinete) a quen lle entrega a insignia o seu sobriño Samuel:

Aquí tedes unhas imaxes do concerto:

 

 

Esperamos que vos gustara. Moitas grazas a todos e todas por asistir e o noso agradecemento ao noso párroco e ao Concello de A Guarda pola súa colaboración.

CONCERTO DE SANTA CECILIA

 O vindeiro día 23 nova edición do Concerto de Santa Cecilia. Non faltedes!!