CONCERTO DE PRIMAVERA 2019

O sábado día 27 celebramos o Concerto de Primavera no que contamos coa participación do Coro do Conservatorio de A Guarda. Comezou cara ás 20:00 horas no baixo da Casa dos Alonso, edificio que alberga ao Concello dende hai uns meses.

Antes de comezar gardouse un minuto de silencio en lembranza do noso querido compañeiro Castelar Piedra, recentemente falecido e de seguido, a banda que foi a primeira en actuar ofreceu varios temas  dirixidos por Víctor. Logo dun pequeno descanso para preparar o escenario, entraron os rapaces e rapazas do coro que fixeron unha magnífica actuación dirixidos polo seu profesor Bruno.  Felicidades a todos estes nenos e nenas, moitas grazas por compartir con nos este concerto.

Por suposto felicitamos tamén aos compoñentes da Agrupación Musical de A Guarda e a Víctor polo traballo realizado e agradecémoslles a todos o esforzo que tiveron que facer para poder asistir aos ensaios durante as semanas previas ao concerto. Agora, a seguir traballando para as próximas actuacións que están á volta da esquina.

Moitas grazas a todos por asistir, esperamos que vos gustara. Vémonos pronto.

Aquí tedes unhas imaxes do noso archivo e un enlace para ver as de Lalo Rodríguez:

Concerto de Primavera

III MOSTRA ASOCIATIVA

CASTELAR PIEDRA

Hoxe deixounos unha gran persoa e un compañeiro que nos inicios da banda foi un excelente exemplo para as novas xeracións de músicos da Agrupación Musical de A Guarda. Unha persoa comprometida e gran apaixonado da música. Hoxe é un día triste para todos nos. Faleceu en Valladolid onde viviu durante máis de cincuenta anos, pero sempre que podía voltaba á súa terra, na cal sempre lembraba os seus inicios na Banda de Tabagón e a súa infancia como fillo do director da banda, ata a súa desaparición na década dos 60. 

Moi querido e respectado por todos os rapaces e rapazas da nosa banda, que tiveron a sorte de telo como compañeiro e de aprender del.Todos sentimos unha gran tristeza porque hoxe nos deixou un gran home, Castelar Piedra Pérez. D.E.P. compañeiro.

As nosas condolencias a súa familia, sempre estará no noso recordo.

 

 

CONCERTO DE PRIMAVERA

Comezamos coa nova temporada!. Aquí vos deixamos o cartel do Concerto de Primavera deste ano, no que ademais da banda, actuarán como convidados os rapaces e rapazas do Coro Infantil do Conservatorio, seguro que vos encantarán.

III MOSTRA ASOCIATIVA

Queremos compartir o vídeo promocional da III Mostra Asociativa organizada polo Concello da Guarda, que terá lugar o vindeiro 11 de maio na Alameda.

CONCERTO SANTA CECILIA

O sábado día 24 celebramos a festividade de Santa Cecilia cun novo concerto, esta vez estupendamente acompañados dos Coros Arpegios e Cantábile aos que agradecemos a súa participación neste evento,  foi un pracer contar con eles e compartir un día tan especial para os músicos. O concerto tivo lugar na igrexa parroquial de Santa María, dando comezo cun pouco de retraso sobre o horario previsto xa que a montaxe e preparación do espazo para a actuación leva o seu tempo. Don Jesús como sempre fíxose cargo da presentación, dando paso en primeiro lugar ás rapazas e rapaces do Coro Arpegios que nos deleitaron coas súas voces brancas dirixidos por D. Avelino Ferreira. De seguido entraron os compoñentes do Coro Cantálile igualmente  baixo a dirección de Avelino que  recibiron fortes aplausos do numeroso público que se achegou a pesar da choiva. Os nosos parabéns aos dous coros pola súa marabillosa actuación.

E chegou a quenda da Agrupación Musical de A Guarda; unha vez acomodados nas súas cadeiras, D. Jesús chamou a Avelino Ferreira a quen David Álvarez, o noso presidente, fixo entrega dun agasallo pola colaboración neste concerto. A continuación procedeuse á entrega da insignia da banda aos músicos que comezaron durante este ano na nosa formación musical. Algúns compañeiros máis veteranos encargáronse de poñerlles a insignia. Os novos integrantes da banda son:

Lucas Pérez (percusión)

Marta Vasconcellos (saxo alto)

 

 

 Lucía Lomba (saxo alto)

 Buenaventura Rodríguez (saxo tenor)

Parabéns e moita sorte na vosa traxectoria musical!!

Antes de comezar David chamou a Antonio González para entregarlle tamén un agasallo en agradecemento á súa colaboración musical coa nosa agrupación.  Xa con todos nos seus postos, a Agrupación Musical interpretou catro temas baixo a dirección de Víctor Alonso Treinta e unha vez rematada a súa magnífica actuación, entraron os compoñentes dos coros Arpegios e Cantábile para interpretar  dúas pezas conxuntamente coa banda. Moi bo traballo, as nosas felicitacións a todos.

O noso agradecemento a D. Jesús pola súa inestimable colaboración, e por permitirnos dispoñer da igrexa para este evento. Grazas tamén a todos os asistentes por achegarvos a pesar da choiva, amosándonos así o voso apoio e cariño. Ata a próxima.