CONCERTO SOLIDARIO

 O pasado sábado tivo lugar o Concerto Solidario durante o cal recolléronse alimentos non perecedoiros para entregar a Asociación San Vicente de Paul. Neste concerto estivemos acompañados polo grupo SonGodin's, a quen que agradecemos de corazón a súa desinteresada colaboración na celebración deste evento. Moitas grazas  a todos os que vos achegastes ata a praza co voso donativo para esta causa e grazas tamén o Concello da Guarda e a D. Jesús García Villadóniga que fixo a presentación do acto.

CONCERTO SOLIDARIO

CONCERTO-BAILE DE PRIMAVERA

Aínda que cunha semana de retraso por mor da choiva, finalmente puidemos facer o concerto-baile de primavera. Presentado por David Álvarez, músico e presidente da  Agrupación, o concerto comezou ás 20:00 horas na alameda como estaba previsto, prolongándose durante máis dunha hora dirixido como sempre por Víctor Alonso Treinta.

Esperamos que fora do voso agrado e que desfrutárades escoitando e bailando con nós. Grazas pola vosa asistencia. Xa estamos preparando o seguinte, vémonos pronto.

David Álvarez presentando o concerto

AVISO:

Debido ó mal tempo, o concerto-baile previsto para hoxe queda aprazado para o vindeiro sábado día 23 ás 20:00 h.

CONCERTO BAILE DE PRIMAVERA

CONCERTO MARCHAS PROCESIONAIS

Este ano organizamos por primeira vez un concerto de marchas procesionais que tivo lugar o domingo día 20 (Domingo de Ramos) na igrexa parroquial de Santa María, con moi boa acollida polo público que practicamente encheu o templo para escoitar a nosa banda, que dirixida como sempre por Víctor Alonso Treinta, interpretou varias marchas que foron moi aplaudidas. O noso agradecemento a D. Jesús pola súa colaboración xa que sen a súa axuda non sería posible a realización deste concerto. Grazas a todos por vir, esperamos que fora do voso agrado. Verémonos novamente en poucas semanas, xa estamos preparando a nosa próxima actuación.

 

Aquí podedes ver un vídeo da actuación gravado polo compañeiro Lalo Rodríguez:

Enlace o video.

CONCERTO DE MARCHAS PROCESIONAIS