X Certame Provincial de Bandas de Música

O día 2 de outubro celebrouse en Pontevedra o X Certame Provincial de Bandas de Música da Deputación, no que participou a Agrupación Musical de A Guarda na 3ª categoria (ata 45 músicos).
Este ano a obra obrigada foi "Retrincos" de David Fiuza e como obra libre a banda interpretou "Robinson Crusoe" de Bert Appermont; o pasodobre de presentación foi "Agüero" de J. Franco
A Agrupación estivo dirixida por Francisco Abal Rosales que substituiu ó noso director Víctor que aínda non se recuperou das súas lesións. A Agrupación Musical de A Guarda acadou nesta edición o 3º premio.
A xunta directiva quere felicitar a tódolos compoñentes da banda polo logro e agradecerlles o esforzo realizado no último mes para preparar as obras con tan pouco tempo de antelación.

 Momento no que interpretaron "Peito de lobo", o 3º tempo da obra "Retrincos":

Concerto da Agrupación Musical de A Guarda

O pasado día 18 de setembro a Agrupación Musical de A Guarda ofreceu un concerto na Praza de San Bieito que serviu como ensaio para o X Certame Provincial de Bandas. Nesta ocasión a banda estivo dirixida por  Francisco Abal Rosales que será tamén o seu director no Certame. Ante a presencia dunha boa cantidade de público interpretaron o seguinte programa:

-    AGÜERO (pasodoble)..............................................................................J. Franco
-    RETRINCOS.......................................................................................David Fiuza
      o    O segredo
      o    O inglés
      o    Peito de lobo
      o    O retrato
      o    Sabela
-    ROBINSON CRUSOE..................................................................Bert Appermont
-    HAPPY MALLETS...............................................................................Harm Evers
                                                                              Xilófono solista: Julián Lomba Castro
-    NOITES DE LÚA NA PRAIA.......................................................Ernesto Campos
                                                                            Gaita solista: Sara Márquez Rodríguez
-    MI TIERRA GALLEGA...........................................Prudencio Romo (Los Tamara)

As tres primeiras obras son as que a nosa banda interpretou no Certame: un pasodoble de presentación, unha obra obrigada (Retrincos) e unha obra de libre elección (Robinson Crusoe).

IV Festival de Bandas de Música Vila da Guarda

O pasado día 11 de setembro celebrouse na Praza de San Bieito o “IV Festival de Bandas de Música Vila da Guarda” organizado pola Agrupación Musical de A Guarda, no que participaron como bandas invitadas a Banda Municipal de Música de Lousame e a Banda de Música de Chapela, ademais da nosa banda. O evento estivo presentado por Julia Sobrino, a quen agradecemos a súa valiosa colaboración. Sinalar que este ano a Agrupación Musical de A Guarda  non puido tocar baixo a batuta do seu director Víctor quen está lesionado debido a un accidente de circulación, polo que está temporalmente afastado do seu traballo. Desexámoslle unha rápida e total recuperación. O director foi nesta ocasión o profesor José Antonio Soutelo Muñoz - grazas J. Antonio pola túa axuda- .O festival foi presenciado por un numeroso público que gozou da música que ofreceron as distintas agrupacións e que se mantivo ata o final do evento apoiando en todo momento as bandas participantes.  O bo tempo tamén contribuíu a que unha vez máis o acto resultara un éxito..

As bandas interpretaron o seguinte programa:

BANDA MUNICIPAL DE MUSICA DE LOUSAME


1.    Coruña…………………………………………… Faustino del Río
2.    Retratos de España……………..………………. Teodoro Aparicio
3.    Virginia………………………………………….. Jacob de Haan

4.    Crego e poeta………………………………….. Prudencio Romo

Director: Fernando Froján Canle


BANDA DE MÚSICA DE CHAPELA


1.    El Soro…………….……………….………………………E. Ros
2.    Rapsodia Galega..(2º Mvto)………….…..…….……..Juan Montes
3.    Diógenes……………………………….…..………Jacob de Haan
4.    Noites de lúa na praia…...…….…Ernesto Campos e X.L. Represas
5.    Mozos do Penedo

Director: Severino Pedrosa Núñez


AGRUPACIÓN MUSICAL DE A GUARDA


1.    Agüero (pasodoble).............................................................J. Franco
2.    Riverien Cyclus................................................................A. Malando
3.    Les Miserables..........................................................C.M.Schonberg
4.    Saraldara  (muiñeira)................................................................J. Ces
5.    El tío Caniyitas...................................................................R. Dorado

Director: José Antonio Soutelo Muñoz

Ó finalizar as actuacións houbo un intercambio de agasallos entre as bandas e tamén o Sr. Alcalde e o Concelleiro de Cultura fixeron entrega duns agasallos ás bandas participantes.

Dende aquí queremos agradecer a colaboración do Concello da Guarda, da Deputación, da Federación Galega de Bandas de Música, de “La Caixa” e por suposto a de todos os establecementos, empresas e particulares que non dubidaron en apoiarnos e axudarnos economicamente e sen os que non sería posible a realización deste Festival.

Moitas grazas a todos, esperamos vernos de novo o vindeiro 2011.

Concerto Xacobeo

IV Festival de Bandas de Música "Vila Da Guarda"

IX Certamen Provincial de Bandas.

Momento da actuación da Agrupación Musical de A Guarda no Certamen Provincial.

O pasado mes de outubro a nosa banda participou por primeira vez nun certame de bandas, acudindo ao IX Certame Provincial de Bandas da Deputación de Pontevedra. Participou na 3ª categoría (para bandas de ata 45 músicos) interpretando como obra libre “Virginia” e logrando o 2º premio.


Este premio foi motivo dunha gran alegría para todos, en especial para os músicos que traballaron moi duro durante todo o verán e que se esforzaron por facelo o mellor posible. Dende aquí queremos felicitar tanto ós compoñentes da banda como ó seu director Víctor, que fixo un gran traballo.

O remate do certame os músicos da Agrupación Musical de A Guarda celebraron o seu logro.

 Ademais organizáronse outras actividades como o concerto de preparación para o Certame ou o xa tradicional Concerto de Santa Cecilia na Igrexa Parroquial de Santa María de A Guarda, esta vez acompañados polo Grupo de Acordeóns Mascarenhas; a banda tamén actuou en moitas festas da comarca ao longo do verán ofrecendo pasarrúas e concertos.

Aquí tedes un video da Agrupación Musical de A Guarda tocando Virginia, durante o certame:

Actividades 2009

Viaxe a Valladolid:

         O pasado verán a Agrupación Musical da Guarda viaxou ata Valladolid os días 17, 18 e 19 de xullo para participar no intercambio que realizou coa Banda de Música de Arroyo de la Encomienda.
   
    Aproveitando a viaxe, de camiño a Valladolid os compoñentes da banda visitaron Allariz e o conxunto histórico de Puebla de Sanabria, así como o seu fermoso lago. Xa en Valladolid foron recibidos polo director e membros da Xunta Directiva da Banda de música valisoletana que agardaban para acompañalos ata o seu aloxamento na capital castelá.

Os intercambios que realiza a nosa Agrupación son culturais ademais de musicais, por iso o sábado día 18 pola mañá desprazáronse ata Urueña (La Villa del Libro), onde puideron admirar o seu conxunto histórico, a cidade medieval, e visitar o Museo de Instrumentos Antigos de Urueña así coma o museo de Tradicións Castelás no Monasterio de la Santa Espina.

Banda de Arroyo de la Encomienda durante o pasarrúas previo ó Encontro das Bandas.

Xa pola tarde achegáronse ata Arroyo de la Encomienda para participar, ás 20:30 h., no “I Encuentro Nacional de Bandas” compartindo escenario coa banda local e coa Banda de Música Municipal de Pedrajas de San Estéban.

A Agrupación Musical da Guarda durante a sua actuación en Arroyo de la Encomienda.

Ó remate do festival, e trala entrega de agasallos, a banda local ofreceu unha cea para as bandas participantes nun local do municipio.

Dende aquí queremos agradecer a hospitalidade con que esta banda nos tratou, tanto por parte dos músicos e director, como da Xunta Directiva.

Os tres directores ó remate do Encontro das Bandas.

O domingo 19  os nosos músicos, sempre acompañados por membros das directivas de ámbalas dúas bandas,  visitaron o Auditorio de Valladolid “Centro Cultural Miguel Delibes”, sede da Orquestra Sinfónica de Castela-León e un dos maiores auditorios de Europa, para  a continuación dar  un percorrido polo centro histórico de Valladolid. Xa pola tarde, desprazáronse ata Salamanca para coñecer os lugares máis emblemáticos da cidade e a última hora emprenderon viaxe de regreso á Guarda.

Banda Sinfónica de Arroyo de la Encomienda actuando na Praza de San Benito.

Como remate deste Intercambio, os días 24, 25 e 26 de xullo a Banda Sinfónica de Arroyo de la Encomienda devolveunos a visita, para participar no “III Festival de Bandas de Música Vila da Guarda” xunto coa Agrupación Musical de Goián. Durante a súa estadía na nosa vila, visitaron o Trega, o porto e os lugares de máis interese. Tamén tiveron tempo para achegarse ata outros municipios próximos, incluíndo o norte de Portugal.

    O Festival tivo lugar como é costume na Praza de San Benito cunha gran asistencia de público facendo que un ano máis o evento resultara un éxito. O acto estivo presentado por Antón Ferreira, a quen damos as grazas pola súa desinteresada colaboración.